Господи Иисусе Христе, Сыне Божий, молитв ради Пречистыя Твоея Матери, и всех святых, помилуй нас.
Царю Небесный. Трисвятое по Отче наш.
МОЛИТВА ГОСПОДУ О ПОМОЩИ И ЗАЩИТЕ.
Господу помолимся. Господи помилуй.
Господи Иисусе Христе, всесильне и человеколюбче, бесстрашный ада победителю и нас, верных чад Твоих, хранителю; защитниче на Тя уповающих и под кров Твой с надеждою прибегающих. Молим Тя, помози рабом Твоим, да пребудем умом, сердцем и всею крепостию нашею в Тебе, и да пребудут глаголы Твоя в нас, да егоже аще хощем благаго, будет нам от Твоих великих и богатых щедрот. Ты бо рекл еси: просите, и дастся вам; ищите, и обрящете; толцыте, и отверзется вам. Се, апостолом наставляеми, просим Тя с верою о даровании нам твердости в искушениях и радости в испытаниях, терпения и премудрости, коих лишени быхом в животе нашем, исполнихомся малодушия и печали. Обаче премудростию Твоею вразумляеми и укрепляеми, возможем противостати козням вражиим. Защити нас, Боже милостивый, от страха бесовскаго и отврати от нас злодеяния дьявольския. Веруем, Господи, яко Ты сотвориши отмщение избранных Твоих, вопиющих к Тебе день и нощь, но вемы, коль страшны глаголы Твоя: Сын Человеческий пришед, обрящет ли веру на земли. Сего ради мы, земля и пепел, вопием Ти вкупе со ученики Твоими: приложи нам, Господи, веру, да никтоже погибнет от чад Твоих, но молитвами Пречистыя Твоея Матере будем вси едино в Тебе, Христе наш, со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков. Аминь.
Можно читать только первую молитву, и далее тропарь Кресту и окончание молитв.
Или: вместо этой первой молитвы /или вместе с ней/ можно читать:
Молитва из Жития святых страстотерпцев, князей Российских Бориса и Глеба. Она замечательно верна, исполнена глубокого покаянного чувства и несомненной надежды на помощь Божию:
Владыко, един Ты без греха, призри с Твоего святого небеси на нас убогих. Мы согрешили – очисти нас, сотворили беззаконие – пощади, споткнулись – повремени, очисти нас как блудницу и как мытаря прости. Пусть придет милость Твоя, пусть прольется на нас человеколюбие Твое, не оставь нас в грехах наших, не предай нас горькой смерти, но искупи нас от зла века сего, дай время для покаяния, ибо велико наше беззаконие пред Тобою, Господи. Поступи с нами милосердно, Господи, ибо мы Тебя именуем. Помилуй нас, ущедри, заступи молитвами пречестных Твоих страстотерпцев, не предай нас в поношение, но излей милость Твою на овец пажити Твоей, ибо Ты – Бог наш, Тебе славу воссылаем, Отцу и Сыну и Святому Духу.
Тропарь, глас 4-й:
Скоро предвари, прежде даже не поработимся врагом, хулящим Тя и претящим нам, Христе Боже наш: погуби Крестом Твоим борющия нас, да уразумеют, како может православных вера, молитвами Богородицы, едине Человеколюбче.
Кондак, глас 8-й:
Возбранный Воеводо и Господи, ада Победителю! Яко избавлься от вечныя смерти, похвальная восписую Ти, создание и раб Твой: но яко имеяй милосердие неизреченное, от всяких мя бед свободи, зовуща: Иисусе Сыне Божий, помилуй мя.
Молитва:
Господи, Всемогущий Боже, Царь всех царствующих и Господь всех господствующих, сказавший, что и волос с головы не упадет у нас без воли Твоей, прекращающий брани до края земли, сокрушающий лук, преломляющий копье, сожигающий огнем колесницы! Будь помощию нашею, защитою и крепостию, каменною горою и оградою от врагов. Не оставь наследия Твоего, называющегося святым именем Христовым. Да возвеличится слава Твоя в вышних и во всем мире, да будет на земле мир и благоволение. Не попусти разорять и опустошать церкви и училища, земли и народы, где обитает слава Твоя. Даруй всем христианским властям и подданным постоянный мир и согласие. Вооружи нас могуществом Твоим, потому что Тобою можем мы сокрушить полчища. Облеки нас силою Твоею и соделай, чтоб укрепились мы Тобою и могуществом силы Твоей. Аминь.
Рекомендуем также: Акафист Всемогущему Богу в нашествии печали.
Кондак 1.
Возбранный Воеводо и Господи, радосте и веселие рабом Твоим, идеже Ты, тамо потребляется всякая печаль, идеже несть Тебе, тамо всякая радость суетна. Призри на мя грешнаго, погибающаго в беде сей, и явлением спасения Твоего посети мя, зовуща: Господи мой, Господи, радосте моя, даруй ми, да возрадуюся о милости Твоей.
Икос 1.
Ангелов Творче и Господи сил, спасения ради падшаго человека не возгнушался еси Девического Чрева, последи же заплевания, поношения и поносную смерть претерпел еси, Слове Божий, благ бо еси и Человеколюбец. Сие помышляя, дерзаю приступити к Тебе и со слезами молитися:
Господи мой, Господи, милосердый Спасителю мой, спаси мя погибающаго;
Господи мой, Господи, пришедый не праведныя спасти, но грешныя, избави мя от напасти сея.
Господи мой, Господи, недуги наша приемый и болезни понесый, исцели болезни сердца моего;
Господи мой, Господи, крестом Твоим мир миру Твоему даровавый, ниспосли мир Твой смущенней души моей.
Господи мой, Господи, Своею смертию смерть упразднивый, упраздни яже на мя козни лукаваго;
Господи мой, Господи, радосте моя, даруй ми, да возрадуюся о милости Твоей.
Кондак 2.
Видевый многия образы человеколюбия Твоего, явленныя на бывших прежде мене грешницех, дерзнух и аз возвести к Тебе очи мои, живущему на небеси: помилуй мя, Господи, яко немощен есмь, избави мя горкия сея печали и сподоби радостию и веселием пети Тебе: Аллилуия.
Икос 2.
Разумную мя тварь сотворил еси, Создателю мой, аз же окаянный приложихся скотом несмысленным и уподобихся им, прогневах бо благость Твою, Спасе: сего ради праведно сею скорбию поразил мя еси; еже познах и каяйся к Тебе прибегох, сице моляся:
Господи мой, Господи, сохранивый мя в юности моей, сохрани мя от врагов, нападающих на мя;
Господи мой, Господи, подкрепление тела моего в старости моей, укрепи мя духом и телом изнемогающаго.
Господи мой, Господи, Наставниче мой, настави мя на путь спасения;
Господи мой, Господи, радосте моя, даруй ми, да возрадуюся о милости Твоей.
/ … /
Кондак 13.
О, Премилосердный и Преблагий Господи Боже мой, Заступниче обидимых и безнадежных надеяние, воззри оком благоутробия Твоего на озлобление и скорбь мою, и спаси мя ради милости Твоея, поюща Тебе: Аллилуиа.
Молитва.
Господи, спаси мя погибающаго! Се, кораблец мой бедствует от искушения волн житейских и близ потопления есть; но Ты, яко Бог милосердный и сострадательный немощем нашим, властию Твоею всесильною запрети волнению бедствия, хотящих погрузити мя и низвести во глубину зол; и да будет тишина, яко ветры и море послушают Тебе. Аминь.
/…весь акафист можно найти в интернете/
По прочтении молитвы (или молитв) читаем тропарь Кресту: Спаси, Господи, люди Твоя, и благослови достояние Твое, победы православным христианам на сопротивныя даруя, и Твое сохраняя Крестом Твоим жительство.
Затем:
Спаси, Господи, и помилуй архиереев, иеромонахов, священников, сродников наших (родителей, детей, внуков, братьев и сестёр), начальствующих над нами, наставляющих нас, благотворящих нам, страну нашу и весь народ её, и всех христиан.
Окончание молитв:
О Тебе́ ра́дуется, Благода́тная, вся́кая тварь, А́нгельский собо́р и челове́ческий род, Освяще́нный Хра́ме и Раю́ Слове́сный, Де́вственная похвало́, из Нея́же Бог воплоти́ся и Младе́нец бысть, пре́жде век Сый Бог наш: ложесна́ бо Твоя́ Престо́л сотвори́, и чре́во Твое́ простра́ннее небе́с соде́ла. О Тебе́ ра́дуется, Благода́тная, вся́кая тварь, сла́ва Тебе́.
Слава и ныне: Господи помилуй (трижды).
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.
Подробнее...